Stjórn Velferðarsjóðs barna samþykkti á fundi sínum í gær þann 12. nóv. 2020 að veita Fjölsmiðjunni kr. 1.000.000 í styrk. Hann er hugsaður m.a. sem stuðningur við aukið fræðslustarf Fjölsmiðjunnar fyrir aldurshópinn 16- 18 ára.
Fjölsmiðjan á höfuðborgarsvæðinu hlaut nýverið viðurkenningu sem viðurkenndur framhaldsfræðsluaðili frá Menntamálastofnun. Framlag Velferðarsjóðs barna er því mjög mikilvægt fyrir nema og starfsmenn Fjölsmiðjunnar. Við erum afskaplega þakklát….:)

Kæru nemar og viðskiptamenn Fjölsmiðjunnar, starfsemin er opin eftir helgi ( vika 45 ). Við aðlögum okkur í næstu viku að breyttum sóttvarnarreglum. Það er mjög mikilvægt fyrir okkur öll að viðhalda virkni og námi.
Við höldum áfram að þjálfa okkur í persónulegum sóttvörnum og við mætum ekki veik í vinnuna.

Bakkamatur verður áfram í boði eins og venjulega fyrir viðskiptavini Fjölsmiðjunnar.
Takk fyrir daginn og sjáumst eftir helgi…🙂
Fyrir hönd starfsmanna,
Sturlaugur forstöðumaður

Kæru nemar Fjölsmiðjunnar,
Það gleður okkur að tilkynna að nú ætlum við að byrja aftur starfsemina í næstu viku.
Þið mætið því aftur til starfa mánudaginn 26. október kl. 8:30 eða á öðrum umsömdum tíma.
Við viljum minna á mikilvægi þess að fara eftir og viðhalda settum sóttvarnarreglum þ.e.
– Handþvottur m/sápu
– Spritta hendur
– Nota andlitsgrímu
– Tveggja metra fjarlægð milli einstaklinga
– Halda sig heima ef t.d. kvefeinkenni eða slappleiki er til staðar.
Ekki hika við að hafa samband við okkur ef eitthvað þarf að ræða í síma 544-4080 og 896-0162 ( Sturlaugur )

Við hlökkum til að hitta ykkur öll!
Starfsfólk Fjölsmiðjunnar

Kæru nemar og velunnarar Fjölsmiðjunnar, (english below)

nú er orðið ljóst að við munum ekki geta hafið fulla starfsemi á mánudaginn kemur þann 19. október eins og lagt var upp með þegar ákvörðun um lokun var tekin í síðustu viku.

Við vonum að sjálfsögðu að þetta ástand vari ekki mikið lengur en staðan verður endurmetin strax eftir helgi í takt við aðgerðir stjórnvalda.

Hlúum að hvort öðru og munum að við erum öll almannavarnir

Fyrir hönd starfsmanna Fjölsmiðjunnar,

Hjördís

Dear students and benefactors of Fjölsmiðjan,

it has now become clear that we will not be able to start full operations on Monday, October 19, as was planned when the decision to close was made last week.

Of course, we hope that this situation will not last much longer, but the situation will be reassessed immediately after the weekend in line with the government’s actions.

Let’s take care of each other and remember that we are all civil defense

On behalf of Fjölsmiðjan’s employees,

Hjördís

Efnismiðlun Góða hirðisins óskaði eftir að viðskiptavinir hennar myndu tilnefna verkefni til styrkveitingar. Fjölsmiðjan fékk tilnefningu frá Stefaníu H. Sigurðardóttur og við sendum inn gögn í framhaldi af því til Sorpu um verkefni sem unnið er að á tæknideild Fjölsmiðjunnar undir stjórn Ásbjörns Elíasar Torfasonar deildarstjóra.
Sorpa var að leitast eftir að styrkja verkefni sem tengist á einhvern hátt hringrásarhagkerfinu eða bættri nýtingu á hlutum með endurnotkun, endurnýtingu eða endurvinnslu.
Styrkurinn á að nýtast í ákveðið verkefni sem hefur vel skilgreint upphaf og endi.

Takk fyrir frumkvæðið og óbeinan stuðning Stefanía og takk fyrir 500 þ.kr. stuðninginn Sorpa. Fjölsmiðjan vill stuðla að bættri nýtingu á hlutum með endurnotkun, endurnýtingu eða endurvinnslu.