Stofnun Hollvinafélags Fjölsmiðjunnar á höfuðborgarsvæðinu.

/in


Kæru vinir og stuðningsmenn Fjölsmiðjunnar á höfuðborgarsvæðinu.
Fjölsmiðjan er sjálfseignarstofnun sem sinnir því mikilvæga hlutverki að veita félagsleg úrræði fyrir ungt fólk, þar sem blandað er saman vinnuúrræði, fræðslu, sköpun, lífsleikni og hreyfingu. Við styðjumst m.a. við Fimm leiðir að vellíðan skv. leiðbeiningum frá Landlækni.
Nú leitum við að áhugasömu fólki til að koma að stofnun Hollvinafélags Fjölsmiðjunnar. Það væri afskaplega gott að vita af hópi stuðningsmanna sem hefði það hlutverk að styðja við starfsemi Fjölsmiðjunnar á ýmsan hátt, oft er þörf en nú er nauðsyn.
Þegar samdráttur verður í atvinnulífinu og atvinnuleysi eykst eins og nú þá verður erfiðara að fá verkefni fyrir nemana og fjármagn fyrir starfsemina. En á sama tíma er aldrei meiri þörf fyrir úrræði Fjölsmiðjunnar.
Við viljum efla bakland Fjölsmiðjunnar á höfuðborgarsvæðinu. Áhugasamir einstaklingar geta haft samband við Sturlaug forstöðumann, sturlaugur@fjolsmidjan.is eða í síma 5444080/ 8960162.
Með bestu kveðju,
Sturlaugur

Velferðarsjóður barna styður Fjölsmiðjuna á höfuðborgarsvæðinu.

/in

Stjórn Velferðarsjóðs barna samþykkti á fundi sínum í gær þann 12. nóv. 2020 að veita Fjölsmiðjunni kr. 1.000.000 í styrk. Hann er hugsaður m.a. sem stuðningur við aukið fræðslustarf Fjölsmiðjunnar fyrir aldurshópinn 16- 18 ára.
Fjölsmiðjan á höfuðborgarsvæðinu hlaut nýverið viðurkenningu sem viðurkenndur framhaldsfræðsluaðili frá Menntamálastofnun. Framlag Velferðarsjóðs barna er því mjög mikilvægt fyrir nema og starfsmenn Fjölsmiðjunnar. Við erum afskaplega þakklát….:)

Samstarfssamningur við Upplýsingaþjónustu Reykjavíkur.

/in ,

Fjölsmiðjan á höfuðborgarsvæðinu, kt. 660601-2790 (Fjölsmiðjan) og Upplýsingatækniþjónusta Reykjavíkur, kt. 530269-7609 (UTR) skrifuðu undir samstarfssamning í dag. Samkomulagið er liður í því að þróa tæknideild Fjölsmiðjunnar. Upplýsingatækniþjónusta Reykjavíkurborgar ( UTR ) veitir fjölbreytta þjónustu við notendur og starfseiningar þvert á svið borgarinnar og annast umfangsmikinn miðlægan rekstur tölvukerfa og viðhald fjölmargra upplýsingakerfa.

Samkomulagið er m.a. um búnað sem UTR. afhendir Fjölsmiðjunni og tengist ferlum sem snúa að förgun búnaðar eða endurnýtingu hans og verkefnavinnu. Við í Fjölsmiðjunni hlökkum til að takast á við þetta verkefni og þróa ennfrekar.