Aðstoðarkokkur/matráður
Fjölsmiðjan á höfuðborgarsvæðinu, Víkurhvarf 2 sem er virkniúrræði fyrir einstaklinga á aldrinum 16 – 24 ára vantar aðstoðarkokk sem fyrst. Starfshlutfallið getur verið samningsatriði en a.m.k. 50 %. Venjulegur vinnutími starfsmanna í Fjölsmiðjunni á höfuðborgarsvæðinu er frá 08.00-15.30 alla virka daga nema föstudaga frá kl. 08.00-14.00, engin helgarvinna.

Hæfniskröfur og almennar upplýsingar.

Viðkomandi þarf helst að hafa lokið námi í matreiðslu, matráður eða matreiðslumaður og kunna íslensku. Kostur að hafa þokkalegan grunn í ensku og spænsku. Lögð er áhersla á góð mannleg samskipti.

Starfið felst m.a. í því að viðkomandi þarf að geta leyst matreiðslumeistara Fjölsmiðjunnar af og taka þátt í því að leiðbeina nemum Fjölsmiðjunnar við matargerð og við frágang/ undirbúning i veitingasal/eldhúsi Fjölsmiðjunnar og vera hvetjandi í daglegu starfi.

Nemar Fjölsmiðjunnar og starfsmenn fá morgun- og hádegismat 4 daga vikunnar og brunch á föstudögum. Hádegismatur er í boði fyrir utanaðkomandi gesti 4 daga vikunnar, alla virka daga nema föstudaga. Eldað er fyrir um 100 manns á degi hverjum.

Fjölsmiðjan er gefandi en krefjandi vinnustaður. Aðalhlutverk okkar er að undirbúa nemana fyrir nám og vinnu með áherslu á vellíðan þeirra.

Nánari upplýsingar má finna á fjolsmidjan.is og á facebook undir Fjölsmiðjan höfuðborgarsvæðinu sími 5444080, netfang hjá forstöðumanni er Sturlaugur@fjolsmidjan.is.

Nú hefst loka vinnuvikan nr. 26 fyrir sumarfrí. Veitingasalan fyrir gesti verður opin mánudag 27. og þriðjudag 28. júní. Veitingadeildin þarf miðvikudaginn til að ganga frá og sama dag höldum við ársfund Fjölsmiðjunnar kl. 15.00.Á fimmtudaginn 30. júní förum við öll, nemar og starfsmenn, í sport ferð uppá Akranes, þar sem við ætlum fyrst og fremst að hafa gaman.Þann 1. júlí nk. förum við svo í frí. Og nemar mæta aftur til okkar 9. ágúst.

Í ljósi aðstæðna þá neyðumst við til að seinka opnun Fjölsmiðjunnar árið 2022 til mánudagsins 10. jan. Nemar Fjölsmiðjunnar mæti að öllu óbreyttu til vinnu 10. jan. í stað 4. jan. eins og að var stefnt.

Aðalfundur Fjölsmiðjunnar á höfuðborgarsvæðinu verður haldinn fimmtudaginn 24. júní í Fjölsmiðjunni Víkurhvarfi 2 Kópavogi kl. 15.00.

Dagskrá :

• Skýrsla stjórnar

Ellen J. Calmon formaður

• Ársreikningur fyrir árið 2020.

Sturlaugur Sturlaugssson forstöðumaður

• Tilnefningar í stjórn Fjölsmiðjunnar
• Kaffiveitingar, skoðunarferð um Fjölsmiðjuna og starfsemin kynnt.