október 2020 - Fjölsmiðjan

Við höldum okkar striki…

30. október, 2020/in Fréttir

Kæru nemar og viðskiptamenn Fjölsmiðjunnar, starfsemin er opin eftir helgi ( vika 45 ). Við aðlögum okkur í næstu viku að breyttum sóttvarnarreglum. Það er mjög mikilvægt fyrir okkur öll að viðhalda virkni og námi.
Við höldum áfram að þjálfa okkur í persónulegum sóttvörnum og við mætum ekki veik í vinnuna.

Bakkamatur verður áfram í boði eins og venjulega fyrir viðskiptavini Fjölsmiðjunnar.
Takk fyrir daginn og sjáumst eftir helgi…🙂
Fyrir hönd starfsmanna,
Sturlaugur forstöðumaður

Bakkamatur frá 27.okt…..:)

22. október, 2020/in Fréttir

Næst komandi þriðjudag þann 27.okt. getur veitingadeildin tekið á móti pöntunum í bakkamat út úr húsi. Pöntunarsíminn er 5712785 eða 5444080. Eins og stendur getum við ekki opnað veitingasalinn fyrir matargestum m.a. vegna tveggja metra reglunnar á milli manna. Vonandi verður það hægt í viku 45…..🙂

Nemar mæta á ný til vinnu…..

21. október, 2020/in Fréttir

Kæru nemar Fjölsmiðjunnar,
Það gleður okkur að tilkynna að nú ætlum við að byrja aftur starfsemina í næstu viku.
Þið mætið því aftur til starfa mánudaginn 26. október kl. 8:30 eða á öðrum umsömdum tíma.
Við viljum minna á mikilvægi þess að fara eftir og viðhalda settum sóttvarnarreglum þ.e.
– Handþvottur m/sápu
– Spritta hendur
– Nota andlitsgrímu
– Tveggja metra fjarlægð milli einstaklinga
– Halda sig heima ef t.d. kvefeinkenni eða slappleiki er til staðar.
Ekki hika við að hafa samband við okkur ef eitthvað þarf að ræða í síma 544-4080 og 896-0162 ( Sturlaugur )

Við hlökkum til að hitta ykkur öll!
Starfsfólk Fjölsmiðjunnar

LOKAÐ ENN UM SINN!

19. október, 2020/in Fréttir

Kæru nemar Fjölsmiðjunnar,

Í ljósi nýjustu frétta stjórnvalda og hvatningu sóttvarnarlæknis þá höfum við tekið þá ákvörðun að seinka enn frekar komu ykkar til starfa í Fjölsmiðjuna.

Þið mætið því ekki til starfa á morgun þriðjudaginn 20. október né miðvikudaginn 21. október.

Við munum taka stöðuna að nýju á miðvikudaginn kemur þann 21. október, þá fá allir sendan tölvupóst með upplýsingum varðandi framhaldið.

Fylgist líka vel með á Facebook síðu Fjölsmiðjunnar (Fjölsmiðjan á höfuðborgarsvæðinu).

Hlúið að ykkur sjálfum og hvort öðru, við erum öll almannavarnir !!

Góðar kveðjur og við hlökkum til að sjá ykkur fljótlega,

Starfsfólk Fjölsmiðjunnar

SKERT STARFSEMI

16. október, 2020/in Fréttir

Kæru nemar og velunnarar Fjölsmiðjunnar, (english below)

nú er orðið ljóst að við munum ekki geta hafið fulla starfsemi á mánudaginn kemur þann 19. október eins og lagt var upp með þegar ákvörðun um lokun var tekin í síðustu viku.

Við vonum að sjálfsögðu að þetta ástand vari ekki mikið lengur en staðan verður endurmetin strax eftir helgi í takt við aðgerðir stjórnvalda.

Hlúum að hvort öðru og munum að við erum öll almannavarnir

Fyrir hönd starfsmanna Fjölsmiðjunnar,

Hjördís

Dear students and benefactors of Fjölsmiðjan,

it has now become clear that we will not be able to start full operations on Monday, October 19, as was planned when the decision to close was made last week.

Of course, we hope that this situation will not last much longer, but the situation will be reassessed immediately after the weekend in line with the government’s actions.

Let’s take care of each other and remember that we are all civil defense

On behalf of Fjölsmiðjan’s employees,

Hjördís

Þjónusta Fjölsmiðjunnar í lágmarki til 19. okt.

7. október, 2020/in Fréttir

Góðan daginn,
í ljósi aðstæðna almennt í samfélaginu, þá ákváðum við að hafa nemana okkar heima frá og með morgundeginum þ. 8. okt. Stefnt er að því að nemar mæti aftur til vinnu mánudaginn 19. okt. Tilgangurinn er m.a. að lágmarka almennt smit áhættu. Við reynum að vera í eins miklu rafrænu sambandi við nemana eins og við getum þangað til.
Með bestu kveðju starfsfólk Fjölsmiðjunnar.

Fjölsmiðjan á höfuðborgarsvæðinu fær styrk.

6. október, 2020/in Fréttir

Efnismiðlun Góða hirðisins óskaði eftir að viðskiptavinir hennar myndu tilnefna verkefni til styrkveitingar. Fjölsmiðjan fékk tilnefningu frá Stefaníu H. Sigurðardóttur og við sendum inn gögn í framhaldi af því til Sorpu um verkefni sem unnið er að á tæknideild Fjölsmiðjunnar undir stjórn Ásbjörns Elíasar Torfasonar deildarstjóra.
Sorpa var að leitast eftir að styrkja verkefni sem tengist á einhvern hátt hringrásarhagkerfinu eða bættri nýtingu á hlutum með endurnotkun, endurnýtingu eða endurvinnslu.
Styrkurinn á að nýtast í ákveðið verkefni sem hefur vel skilgreint upphaf og endi.

Takk fyrir frumkvæðið og óbeinan stuðning Stefanía og takk fyrir 500 þ.kr. stuðninginn Sorpa. Fjölsmiðjan vill stuðla að bættri nýtingu á hlutum með endurnotkun, endurnýtingu eða endurvinnslu.